Daang Tugon

Bag-ong Tugon

Job 20:9-17 Ang Pulong sa Dios (APSD)

9. Dili na siya makita sa nakaila kaniya, ug mahanaw siya sa dapit nga iya kaniadtong gipuy-an.

10. Ang iyang mga anak maoy magbayad sa iyang gikawat gikan sa mga kabos.

11. Mamatay siya nga batan-on pa ug baskog.

12. “Ang paghimo ug daotan nahisama sa pagkaon nga tam-is diha sa iyang baba;

13. ugomon niya kini ug dugay aron matagamtaman gayod niya ang kalami niini.

14. Apan pag-abot niini sa iyang tiyan mopait kini ug mahimong hilo nga sama sa lala sa mga bitin.

15. Isuka niya sama sa pagkaon ang bahandi nga iyang kinawat. Bisan anaa na kini sa iyang tiyan ipasuka kini sa Dios kaniya.

16. Suyopon niya ang lala sa mga bitin nga mao ang mopatay kaniya.

17. Dili na niya matagamtaman ang kaabundansya sa lana, keso, ug dugos, nga daw sapa o suba nga magdagayday.

Basaha ang bug-os nga kapitulo Job 20