1. Unya mitubag si Elifaz nga taga-Teman,
2. “Job, ang maalamon nga tawo dili mosultig mga pulong nga walay pulos.
3. Dili siya mangatarungan ginamit ang mga pulong nga walay hinungdan.
4. Apan ang imong gipanulti motukmod sa uban sa dili na pagtahod ug pag-alagad sa Dios.
5. Ang imong gipanulti bunga sa imong kadaotan. Ug gilimbongan mo ang uban pinaagi sa imong mga pulong.
6. Dili na kinahanglan nga hukman ko pa ikaw. Ang imo mismong gipanulti ang nagasaksi batok kanimo.