16. Sa paglingi ni Josias, nakita niya ang mga lubnganan didto sa bukid ug iyang gipakuha ang mga bukog ug gisunog niya didto sa halaran. Sa ingon, iyang gihugawhugawan ang halaran sumala gayod sa gisulti sa Ginoo pinaagi sa iyang propeta nga maoy mitagna niini.
17. Unya miingon siya, “Unsa ba kanang monumentoha sa unahan?”Giingnan siya sa mga tawo sa siyudad, “Lubnganan kana sa propeta sa Dios nga taga-Juda nga nagtagna niining imong gibuhat karon sa halaran sa Betel.”
18. Ug si Josias miingon, “Ayaw kanag hilabti ug ayaw ipakalot ang iyang mga bukog.”Busa wala nila hilabti ang mga bukog niya ingon man ang mga bukog sa propeta nga taga-Samaria.
19. Giguba usab ni Josias ang tanang mga halaran sa mga diosdios sa mga siyudad sa Samaria nga gibuhat sa mga hari sa Israel nga maoy nakapasuko sa Ginoo. Ang iyang gibuhat didto sa Betel mao usay iyang gibuhat niining mga siyudara.