16. ክፉዎች ሥልጣን ሲይዙ ኀጢአት ይበዛል፤ጻድቃን ግን የእነርሱን ውድቀት ያያሉ።
17. ልጅህን ቅጣው፤ ሰላም ይሰጥሃል፤ነፍስህንም ደስ ያሰኛታል።
18. ራእይ በሌለበት ሕዝብ መረን ይሆናል፤ሕግን የሚጠብቅ ግን የተባረከ ነው።
19. አገልጋይ በቃል ብቻ ሊታረም አይችልም፤ቢያስተውለውም እንኳ በጀ አይልም።
20. በችኰላ የሚናገርን ሰው ታያለህን?ከእርሱ ይልቅ ተላላ ተስፋ አለው።
21. ሰው አገልጋዩን ከልጅነቱ ጀምሮ ቢያቀማጥል፣የኋላ ኋላ ሐዘን ያገኘዋል።
22. ቊጡ ሰው ጠብን ይጭራል፤ግልፍተኛም ብዙ ኀጢአት ይሠራል።
23. ሰውን ትዕቢቱ ያዋርደዋል፤ ትሑት መንፈስ ያለው ግን ክብርንይጐናጸፋል።
24. የሌባ ግብረ አበር የገዛ ራሱ ጠላት ነው፤የመሐላውን ርግማን እየሰማ ጭጭ ይላል።
25. ሰውን መፍራት ወጥመድ ነው፤ በእግዚአብሔር የሚታመን ግን በሰላም ይኖራል።
26. ብዙዎች በገዥ ፊት ተደማጭነት ማግኘት ይሻሉ፤ሰው ፍትሕ የሚያገኘው ግን ከእግዚአብሔር ዘንድ ነው።