20. Merari se mense was Magli en Musi. Dit was al Levi se afstammelinge.
21. Die Gersoniete het bestaan uit die familiegroepe van Libni en Simi.
22. Hulle manspersone ouer as ’n maand wat getel is, was altesaam 7 500.
23. Hierdie groep het aan die westekant van die tabernakel gebly.
24. Eljasaf seun van Lael was hulle leier.
25. Die Gersoniete se werk was om by die tabernakel te sorg vir die seile wat bo-oor die tent kom, die afskorting by die ingang van die tent,
26. die afskorting rondom die binnehof en die gordyn by die ingang van die binnehof, die tenttoue en die onderhoud daarvan.
27. Die Kehatgroep het bestaan uit Amram, Jishar, Hebron en Ussiël.
28. Hulle manspersone bo ’n maand oud was altesaam 8 600. Hulle moes na die heiligdom omsien.
29. Hierdie groep het aan die suidekant van die tabernakel gebly.