Ou Testament

Nuwe Testament

Levitikus 25:1-7 Nuwe Lewende Vertaling (NLV)

1. Terwyl Moses op die Sinaiberg was, het die Here vir hom gesê:

2. “Gee hierdie instruksies vir die Israeliete: Wanneer julle die land binnetrek wat Ek as ’n erfdeel vir julle gee, moet die land self elke sewe jaar ’n Sabbat vir die Here hou.

3. Vir ses jaar mag julle julle landerye beplant, julle wingerde snoei en julle lande oes,

4. maar die sewende jaar sal vir die Here ’n Sabbatsjaar van rus vir die land wees. Moenie plant nie en moet ook nie julle wingerde snoei gedurende die hele jaar nie.

5. Julle mag ook nie oes wat natuurlik groei of die druiwe gebruik van julle ongesnoeide wingerde nie. Die land moet vir ’n jaar lank heeltemal rus.

6. Julle, julle slawe en slavinne en enige vreemdelinge wat tussen julle woon, mag egter van die produkte eet wat natuurlik groei gedurende die Sabbatsjaar.

7. Julle diere en die wilde diere mag ook eet van wat die land oplewer.”

Lees volledige hoofstuk Levitikus 25