16. Batseba het laag voor hom gebuig.“Wat kan ek vir jou doen?” vra die koning haar.
17. Sy het geantwoord: “My heer, u het my voor die Here u God met ’n eed belowe: ‘Jou seun Salomo sal beslis ná my koning word en op my troon sit.’
18. Maar nou het Adonia die nuwe koning geword, sonder dat u iets daarvan weet!
19. Hy het baie beeste, vetgemaakte kalwers en skape geoffer. Boonop het hy al die koning se seuns, die priester Abjatar, en die opperbevelvoerder van die leër Joab uitgenooi. Maar hy het nie vir Salomo uitgenooi nie.
20. Nou wag die hele Israel op u om te beslis wie dan ná u koning sal word.
21. Indien u nie uitspraak lewer nie, sal ek en my seun Salomo soos misdadigers behandel word sodra u sterf.”
22. Terwyl sy nog met die koning praat, kom die profeet Natan ook daar aan.