18. “’n Smartkreet word gehoor in Rama,’n gesnik en ’n bitter geklaag.Ragel huil oor haar kinders.Sy wil maar net nie vertroos word nie,want hulle is dood.”
19. Ná Herodes se dood verskyn daar ’n engel van die Here in ’n droom aan Josef en sê vir hom:
20. “Staan op en neem die Kindjie en sy ma terug na die land Israel, want die mense wat die Kindjie om die lewe wou bring, is dood.”
21. Josef het dadelik met die Kindjie en sy ma vertrek en hy het in die land Israel aangekom.
22. Toe hy egter hoor dat Argelaus koning geword het in sy pa, Herodes, se plek, het hy bang geword om na Judea te reis. Omdat God hom in ’n droom so beveel het, het hy toe na die omgewing van Galilea vertrek.
23. En so het hy hom gaan vestig in ’n dorp met die naam Nasaret. Daarmee is die uitspraak van die profete vervul dat die Messias ’n Nasarener genoem sou word.