1. Nou sal ek vir my Beminde ’n lied van my Beminde aangaande Sy wingerd sing! My Beminde het ’n wingerd op ’n vrugbare heuwel.
2. Hy het dit rondom omgespit, die klippe uitgehaal en die keur van wingerdstokke daar geplant. Hy het ’n toring in die middel daarvan gebou en ook ’n parskuip daarin uitgekap. Toe het Hy verwag dat dit druiwe sou dra, maar dit het slegs wilde druiwe voortgebring.
3. Nou, inwoners van Yerushalayim en manne van Y’hudah, oordeel tussen My en My wingerd.
4. Wat was daar meer om te doen vir My wingerd wat Ek nie daarin gedoen het nie? Waarom, toe Ek verwag het dat dit druiwe sou dra, het dit wilde druiwe voortgebring?