4. Hy sal jou toedek met Sy vere en onder Sy vlerke sal jy vertrou; Sy waarheid sal jou skild en groot skild wees.
5. Jy sal nie vir die angs van die nag of vir die pyl wat bedags vlieg vrees nie,
6. ook nie vir die sameswering wat versprei in die donker, of vir die pestilensie wat op die middag verwoes nie!
7. Duisend sal val aan jou sy en tien duisend aan jou regterhand, maar dit sal nie naby jou kom nie.
8. Jy sal net met jou oë die vergelding van die bose sien,
9. want U, יהוה, is my Vertroue; U het U blyplek in die hoogste plek gemaak.
10. Geen boosheid sal op jou val of enige plaag naby jou tent kom nie,Mat 4:6; Luk 4:11
11. want Hy sal Sy engele aangaande jou bevel gee om jou in al jou doen en late te beskerm.
12. Hulle sal jou op hulle hande dra sodat jy nie jou voet teen ’n klip sou stamp nie.
13. Jy sal op die leeu en die adder trap, die jong leeu en die draak onder jou voet vertrap.
14. Omdat hy My voortdurend liefhet sal Ek hom bevry; Ek sal hom hoog oplig omdat hy My Karakter en Outoriteit (Naam) ken.