1. ’n Onderriggewende gedig van Asaf. My volk, luister na My wet; draai julle ore na die woorde van My mond.Mat 13:35
2. Ek sal My mond oopmaak in vergelykende stories; Ek sal raaisels uit die ou tyd uiter.
3. Dit wat ons gehoor het en ken, wat ons vaders ons vertel het,
4. sal ons nie vir hulle seuns wegsteek nie, maar aan die volgende geslag vertel van die lofprysinge van יהוה, Sy sterkte en die wonderlike dade wat Hy gedoen het,
5. want Hy het ’n getuienis opgerig in Ya’akov en ’n wet aangestel in Yisra’el, wat Hy aan ons vaders beveel het, om dit aan hulle seuns bekend te maak
6. sodat die volgende geslag hulle kan ken, selfs die seuns wat nog gebore sal word, wat moet opstaan en dit aan hulle seuns vertel
7. dat hulle hul versekerde verwagting in God kan plaas en nie die dade van God vergeet nie, maar Sy opdragte kan uitvoer
8. en nie wees soos hulle vaders nie, ’n hardkoppige en rebelse geslag, ’n geslag wat nie hulle verstand, wil en emosie herstel het nie en wie se gees nie standvastig was teenoor God nie.
9. Die seuns van Efrayim, boogskutters bewapen met boë, het omgedraai op die dag van die geveg.
10. Hulle het die verbond van God nie gehou nie en geweier om te leef in Sy wet.