1. יהוה het met Moshe gepraat in die wildernis van Sinai; in die tweede jaar nadat hulle uit Mitzrayim uitgetrek het, in die eerste maand en gesê:
2. “Laat die seuns van Yisra’el nou die Pesag op sy bepaalde tyd hou.
3. Op die veertiende dag van hierdie maand, tussen die twee sonsondergange, moet julle dit op die bepaalde tyd hou; volgens al sy reëls en al sy bepalings moet julle dit hou.”
4. Moshe het met die seuns van Yisra’el gepraat dat hulle die Pesag moet hou.
5. Hulle het die Pesag gehou op die veertiende dag van die eerste maand, tussen die twee sonsondergange, in die wildernis van Sinai; net soos יהוה Moshe beveel het, so het die seuns van Yisra’el gedoen.
6. Daar was egter manne wat deur die lyk van ’n mens onrein geword het sodat hulle nie die Pesag op daardie dag kon hou nie en hulle het op daardie dag voor Moshe en Aharon gekom.
7. Daardie manne het vir hom gesê: “Alhoewel ons onrein is deur ’n dooie mens; waarom word ons verhoed om die offer van יהוה op die bepaalde tyd onder die seuns van Yisra’el te offer?”
8. Moshe het vir hulle gesê: “Wag en ek sal hoor wat יהוה aangaande julle beveel.”
9. יהוה het met Moshe gepraat en gesê:
10. “Praat met die seuns van Yisra’el en sê: ‘As iemand van julle of van julle nageslag deur ’n lyk onrein word of op ’n ver reis is, mag hy steeds die Pesag tot יהוה hou.
11. In die tweede maand, op die veertiende dag, tussen die twee sonsondergange, moet hulle dit hou; met ongesuurde brode en bitter kruie moet hulle dit eet.2 Kro 30:2
12. Hulle mag niks daarvan laat oorbly tot die oggend toe of ’n been daaraan breek nie; volgens die hele instelling van die Pesag moet hulle dit hou,Yog 19:33,36
13. maar die man wat rein is en nie op reis is nie en nalaat om die Pesag te hou, dié persoon moet van sy volksgenote afgesny word, want hy het die offer van יהוה nie op die bepaalde tyd gebring nie. Dié man sal sy sonde dra.
14. As ’n besoeker by julle bly en die Pesag tot יהוה wil hou, moet hy dit hou volgens die reëls van die Pesag en volgens die bepalings daarvan. Julle sal een reël hê vir die besoeker, sowel as vir die kind van die land.”
15. Op die dag toe hulle die tabernakel opgerig het, het die wolk die tabernakel, die tent van die Getuienis, oordek en vanaf die aand tot die oggend toe was dit oor die tabernakel soos ’n verskynsel van vuur.
16. So was dit altyd: die wolk het dit bedags oordek en snags ’n verskynsel van vuur.