1. יהוה het met Moshe gepraat in die wildernis van Sinai, in die Tent van Ontmoeting, op die eerste dag van die tweede maand, in die tweede jaar nadat hulle uit Mitzrayim uitgetrek het en gesê:
2. “Tel die koppe van die hele vergadering van die seuns van Yisra’el volgens hulle families, volgens hulle vaders se huise, volgens die getal name, almal wat manlik is, kop vir kop;
3. vanaf twintig jaar oud en ouer, almal wat in staat is om oorlog te gaan maak in Yisra’el, dié moet jy en Aharon tel volgens hulle leërafdelings.
4. Saam met julle moet daar ook ’n man wees van elke stam, elkeen die hoof van sy vader se huis.
5. Hierdie is die name van die manne wat julle moet bystaan: van Re’uven: Elitzur, die seun van Sh’de’ur;
6. van Shim’on: Shlumi’el, die seun van Tzurishaddai;
7. van Y’hudah: Nagshon, die seun van `Amminadav;
8. van Yissakhar: N’tan’el, die seun van Tzu’ar;