Ou Testament

Nuwe Testament

1 Sh'mu'el 20:36-42 Die Pad van Waarheid tot die Lewe (PWL)

36. Hy sê vir sy dienskneg: “Hardloop, vind nou die pyle wat ek gaan skiet.” Terwyl die jongman hardloop, skiet hy ’n pyl verby hom.

37. Toe die jongman by die plek van die pyl kom wat Y’honatan geskiet het, roep Y’honatan die jongman agterna en sê: “Is die pyl nie verby jou nie?”

38. Y’honatan roep agter die jongman aan: “Maak gou, vinnig, moenie bly nie.” Y’honatan se jongman tel die pyl op en kom na sy meester toe,

39. maar die jongman was van niks bewus nie: net Y’honatan en Dawid het van die saak geweet.

40. Toe gee Y’honatan sy wapens vir die jongman en sê vir hom: “Gaan, bring dit na die stad.”

41. Toe die jongman weg was, staan Dawid op van die suidekant af en val met sy gesig op die grond en buig drie maal. Hulle het mekaar gesoen en saam gehuil, maar Dawid het meer gehuil.

42. Y’honatan het vir Dawid gesê: “Gaan in veiligheid, in sover ons vir mekaar gesweer het in die Naam (Karakter en Outoriteit) van יהוה en gesê het: ‘יהוה sal saam met my en jou wees en saam met my nageslag en jou nageslag, vir ewig.” Toe het hy opgestaan en weggegaan, maar Y’honatan het in die stad ingegaan.

Lees volledige hoofstuk 1 Sh'mu'el 20