26. Die vuil gees het hom neergegooi en met ’n harde stem geskree en uit hom uitgegaan.
27. Almal was verbaas en het dit onder mekaar bespreek en gevra: “Wat is dit? Watse nuwe leringe is dit en dít met outoriteit; Hy beveel selfs die vuil geeste en hulle gehoorsaam Hom?”
28. Onmiddellik het die nuus oor Hom versprei in die hele streek van die Galil.
29. Hulle het uit die bymekaarkomplek uitgegaan en saam met Ya’akov en Yoganan na die huis van Shim’on en Andreas gegaan.
30. Die skoonmoeder van Shim’on het siek gelê met koors en hulle het Hom gesê van haar.
31. Hy gaan na haar toe, vat haar hand, lig haar op en dadelik het die koors haar verlaat en sy het hulle bedien.
32. In die aand toe die son ondergegaan het, het hulle almal na Hom toe gebring wat siek en deur demone beheer was
33. en die hele dorp het by die deur bymekaargekom.
34. Hy het baie gesond gemaak wat ’n verskeidenheid siektes gehad het, baie bose geeste uitgedryf en die bose geeste nie toegelaat om te praat nie omdat hulle Hom geken het.
35. Baie vroeg in die oggend, het Hy opgestaan en uitgegaan na ’n afgesonderde plek en daar het Hy gebid.
36. Shim’on en die wat by hom was, het Hom gesoek
37. en toe hulle Hom kry, sê hulle vir Hom dat almal na Hom soek
38. en Hy sê vir hulle: “Ons gaan na die dorpe en stede naby ons sodat Ek ook daar kan verkondig, want hiervoor het Ek gekom.”
39. Hy het in al hulle bymekaarkomplekke gepraat in die hele Galil en demone uitgedryf.
40. ’n Melaatse kom na Hom toe, val neer by Sy voete en smeek van Hom en sê vir Hom: “As U wil, is U in staat om my te reinig.”
41. Yeshua het vir hom liefdevol omgegee en Sy hand uitgesteek en hom aangeraak en vir hom gesê: “Ek wil, word gereinig!”