30. Koning Sihon wou ons egter nie laat deurtrek nie, want die Here het sy hart kliphard gemaak. Toe het ons teen koning Sihon geveg en sy land binnegetrek en dit is waar ons vandag nog woon.
31. “Toe het die Here vir my gesê: ‘Ek het Sihon en sy land aan julle gegee. Julle moet intrek en dit beset.’
32. “Sihon en sy weermag het na Jahas toe getrek om teen ons te veg.
33. Die Here het ons egter gehelp en ons het Sihon, sy weermag en sy seuns geheel en al vernietig.
34. Ons het al Sihon se stede ingeneem en al die inwoners doodgemaak. Niemand het oorgebly nie.
35. Ons het die vee vir ons gevat en die stede verwoes.
36. Van Aroër by die Arnonrivier en die groot stad daar naby tot by Gilead was daar geen stad wat ons nie met die hulp van die Here ingeneem het nie.