33. Salomo het ook twee dubbeldeure by die ingang van die voorste heiligdom geplaas. Die kosyn was ook van olyfhout en het ’n vierhoek gevorm.
34. Albei die dubbeldeure was van sipreshout en op elke deur is ’n groot sirkel uitgesny.
35. Salomo het ook gerubs, palms en blomknoppe op die deure uitgesny en dit toe met goud oorgetrek. Die goud is in die uitgesnyde dele ingedruk.
36. Hy het ook die binneste voorhof aan die voorkant van die tempel gebou. Reg rondom was daar mure van een laag sederhout en drie lae gekapte klip.
37. Die tempel se fondament is in die vierde jaar van Salomo se regering, in die tweede maand, die maand Sif, gelê.