1. Ben-Hadad van Sirië het besluit om Samaria aan te val en het toe al sy troepe opgeroep. Twee en dertig ander konings het saamgegaan en al hulle perde en waens saamgebring. ’n Groot mag het na Samaria opgeruk en hulle het die stad begin beleër.
2. Na ’n ruk het Ben-Hadad ’n boodskap na koning Agab gestuur.
3. “Gee my al jou goud en silwer asook jou mooiste vroue en kinders,” het Ben-Hadad beveel.
4. Agab het hom geantwoord: “Dit is reg so, Meneer. Alles wat ek het, kan u kry.”