1. Toe Josua weer lootjies trek, het die families in die Simeon-stam hulle grond gekry. Hulle grond was binne-in die grond van die Juda-stam.
2. Die stede wat hulle gekry het, was: Berseba, Seba, Molada,
3. Gasar-Sual, Baäla, Esem,
4. Eltolad, Betul, Gorma,
5. Siklag, Bet-Markabot, Gasar-Susim,
6. Bet-Lebaot en Sarugen. Hulle het hierdie 13 stede en die dorpies daar naby gekry.
7. Hulle het ook die vier stede Ajin, Rimmon, Eter en Asan gekry en die dorpies daar naby,
8. en ook nog al die dorpies naby die stede tot by die stede Baälat-Beër en Rama in die Suid-land. Dit was die stede van die families in die Simeon-stam.
9. Die stam het ’n deel van Juda se grond gekry, want die grond wat Juda gekry het, was te veel vir hulle. Die Simeon-stam het grond gekry binne-in die Juda-stam se grond.
10. Toe Josua die derde lootjie trek, het die Sebulon-stam hulle grond gekry. Die grens van hulle grond was tot by die stad Sarid.
11. Na die westekant gaan die grens dan na die stad Marala, en dan tot by die stad Dabbeset en die vallei naby die stad Jokneam.
12. Na die ooste gaan die grens van Sarid tot teen die grens van die stad Kislot-Tabor, en dan na die stad Daberat en op na die stad Jafia.