6. Toe sê Ragel: “God het reg gedoen aan my. Hy het geluister na my gebed en Hy het vir my ’n seun gegee.”Sy het hom Dan genoem.
7. Ragel se slavin Bilha het weer swanger geword en sy het nog ’n seun vir Jakob gekry.
8. Toe sê Ragel: “Ek en my suster wou altwee wen, maar ek het haar gewen.”Daarom het sy haar seun Naftali genoem.
9. Lea kon nie meer kinders kry nie. Sy neem toe haar slavin Silpa en sy gee haar vir Jakob om sy vrou te wees.
10. Lea se slavin Silpa het ’n seun gekry vir Jakob,
11. en Lea het gesê: “Ek is gelukkig.”Daarom het sy hom Gad genoem.
12. Toe kry Lea se slavin nog ’n seun vir Jakob,
13. en Lea sê: “Ek is gelukkig. Die vroue sal sê ek is baie gelukkig.”Daarom het sy haar seun Aser genoem.
14. Dit was die tyd om koring af te sny. Ruben het liefdes-appels in die veld gekry en hy het dit vir sy ma Lea gebring. Toe sê Ragel vir Lea: “Gee asseblief vir my van jou seun se liefdes-appels.”