5-8. Van elke stam het 12 000 mense merke gekry. Die stamme was: Juda, Ruben, Gad, Aser, Naftali, Manasse, Simeon, Levi, Issaskar, Sebulon, Josef en Benjamin.
9. Ná hierdie dinge het ek gekyk en ek het ’n groot klomp mense gesien wat bymekaar is. Daar was so baie mense dat niemand hulle kon tel nie. Hulle het gekom uit al die lande, stamme, volke en tale. Hulle het gestaan voor God se troon en voor die Lam. Hulle het wit klere gedra en hulle het takke van palmbome in hulle hande gehad.
10. Hulle het hard geskree en gesê:“Ons God sit op die troon,Hy en die Lam het oorwin!”
11. En al die engele het rondom God se troon en rondom die ouderlinge en rondom die vier diere gestaan. Die engele het gaan lê met hulle gesigte teen die grond en hulle het vir God aanbid.
12. Hulle het gesê:“Amen! Ons prys ons God!Ons prys Hom, ons Koning!Hy het al die wysheid!Ons sê vir Hom dankie!Ons eer Hom!Hy is baie sterk,Hy kan alles doen!Ons wil Hom altyd prys! Amen!”
13. Toe vra een van die ouderlinge vir my: “Wie is hierdie mense wat wit klere dra? Van waar het hulle gekom?”
14. Ek het vir hom gesê: “Meneer, jy weet wie hulle is.”Hy het vir my gesê: “Daardie mense het baie swaar gekry omdat hulle aan die Lam behoort. Hulle het hulle klere gewas in die bloed van die Lam. Toe het hulle klere wit geword.
15. “Daarom is hulle nou voor Godse troon.Hulle dien nou vir God elke dagen elke nag in sy tempel.God, wat op die troon sit,sal hulle beskerm.