22. Die hele volk Israel het van Kades af versit en by Horberg aangekom.
23. By Horberg, vlak by die grens van Edom, het die Here vir Moses en Aäron gesê:
24. “Die tyd het gekom dat Aäron moet sterf. Hy sal nie in die land kom wat Ek aan die Israeliete gee nie, omdat julle twee julle verset het teen my bevel by die Meribawaters.
25. Vat vir Aäron en sy seun Eleasar saam en gaan na Horberg toe.
26. Daar moet jy Aäron se klere uittrek en dit vir sy seun Eleasar aantrek. Aäron sal daar sterwe.”
27. Moses het gedoen wat die Here beveel het: voor die oë van die hele volk het hulle Horberg uitgeklim.