1. Ek wil hê julle moet weet hoe sterk ek my beywer vir julle en vir die gelowiges in Laodisea en vir al die ander wat my ook nog nie persoonlik gesien het nie.
2. My doel daarmee is dat hulle bemoedig moet word. Hulle moet met liefde aan mekaar verbind wees en saam strewe na diep en volledige insig, sodat hulle God se geheimenis kan ken. Die geheimenis is Christus,
3. en in Hom is al die verborge skatte van wysheid en kennis te vind.
4. Ek beklemtoon dit, sodat niemand julle met vals redenasies mislei nie.