1. ’n PSALM van Dawid. Here, twis met die wat met my twis; bestry die wat my bestry!
2. Gryp die klein skild en die grote, en staan op as my hulp!
3. En trek die spies uit en stuit my vervolgers! Spreek tot my siel: Ek is jou heil!
4. Laat hulle wat my lewe soek, beskaamd staan en in die skande kom; laat hulle wat my ongeluk beraam, agteruitwyk en rooi van skaamte word!
5. Laat hulle word soos kaf voor die wind, terwyl die Engel van die Here hulle wegstoot.
6. Laat hulle weg duister en glibberig wees, terwyl die Engel van die Here hulle vervolg!