Ou Testament

Nuwe Testament

Deuteronómium 14:4-10 Afrikaans 1933-1953 (AFR53)

4. Dit is die diere wat julle mag eet: ’n bees, ’n skaap en ’n bok;

5. ’n takbok en ’n gemsbok en ’n gestippelde takbok en ’n steenbok en ’n ribbok en ’n eland en ’n klipspringer;

6. en al die diere wat gesplitste kloue het, en wel heeltemal in twee gesplitste kloue, en herkou onder die diere — dié mag julle eet.

7. Maar die volgende mag julle nie eet nie van die wat herkou en van die wat die gesplitste kloue het: die kameel en die haas en die das, want hulle herkou maar het geen gesplitste kloue nie — onrein is hulle vir julle;

8. ook die vark, want hy het gesplitste kloue, maar is geen herkouer nie — onrein is hy vir julle. Van hulle vleis mag julle nie eet en hulle aas mag julle nie aanraak nie.

9. Dit mag julle eet van alles wat in die water is: alles wat vinne en skubbe het, mag julle eet.

10. Maar alles wat geen vinne en skubbe het nie, mag julle nie eet nie — onrein is dit vir julle.

Lees volledige hoofstuk Deuteronómium 14