21. Want sy het by haarself gesê: As ek maar net sy kleed kan aanraak, sal ek gesond word.
22. En Jesus het omgedraai en haar gesien en gesê: Hou goeie moed, dogter, jou geloof het jou gered. En die vrou het gesond geword van daardie uur af.
23. En toe Jesus in die huis van die owerste kom en die fluitspelers sien, en die skare wat te kere gaan,
24. sê Hy vir hulle: Gaan weg, want die dogtertjie is nie dood nie, maar sy slaap. En hulle het Hom uitgelag.
25. En nadat die skare uitgedryf was, het Hy ingegaan en haar hand gegryp; en die dogtertjie het opgestaan.
26. En die gerug hiervan het deur daardie hele land versprei.
27. EN toe Jesus daarvandaan verder gaan, het twee blindes Hom gevolg, terwyl hulle uitroep en sê: Wees ons barmhartig, Seun van Dawid!