11. Omi si bò awọn ọta wọn: ẹnikan wọn kò si kù.
12. Nigbana ni nwọn gbà ọ̀rọ rẹ̀ gbọ́: nwọn si kọrin iyìn rẹ̀.
13. Nwọn kò pẹ igbagbe iṣẹ rẹ̀: nwọn kò si duro de imọ̀ rẹ̀.
14. Nwọn si ṣe ifẹkufẹ li aginju, nwọn si dan Ọlọrun wò ninu aṣálẹ̀.
15. O si fi ifẹ wọn fun wọn; ṣugbọn o rán rirù si ọkàn wọn.
16. Nwọn ṣe ilara Mose pẹlu ni ibudo, ati Aaroni, ẹni-mimọ́ Oluwa.
17. Ilẹ là, o si gbé Datani mì, o si bò ẹgbẹ́ Abiramu mọlẹ.
18. Iná si ràn li ẹgbẹ́ wọn; ọwọ́ iná na jó awọn enia buburu.
19. Nwọn ṣe ẹgbọrọ malu ni Horebu, nwọn si foribalẹ fun ere didà.
20. Bayi ni nwọn pa ogo wọn dà si àworan malu ti njẹ koriko.
21. Nwọn gbagbe Ọlọrun, Olugbala wọn, ti o ti ṣe ohun nla ni ilẹ Egipti.