1. NIGBANA ni Jobu si dahùn wipe,
2. Ani loni ni ọ̀ran mi korò; ọwọ mi si wuwo si ikerora mi.
3. A! emi iba mọ̀ ibi ti emi iba wá Ọlọrun ri! ki emi ki o tọ̀ ọ lọ si ibujoko rẹ̀,
4. Emi iba si tò ọran na niwaju rẹ̀, ẹnu mi iba si kún fun aroye.
5. Emi iba si mọ̀ ọ̀rọ ti on iba fi da mi lohùn, oye ohun ti iba wi a si ye mi.
6. Yio ha fi agbara nla ba mi wijọ bi? agbẹdọ̀! kiki on o si kiyesi mi:
7. Nibẹ li olododo le iba a wijọ, bẹ̃li emi o si bọ́ li ọwọ onidajọ mi lailai.