28. Fi agbára rẹ hàn, Ọlọrun,fi agbára tí o ti fi jà fún wa hàn.
29. Nítorí Tẹmpili rẹ tí ó wà ní Jerusalẹmu,àwọn ọba yóo gbé ẹ̀bùn wá fún ọ.
30. Bá àwọn ẹranko ẹ̀dá tí ń gbé inú èèsún ní Ijipti wí;àwọn akọ mààlúù, láàrin agbo ẹran àwọn orílẹ̀-èdè.Tẹ àwọn tí ó fẹ́ràn owó mọ́lẹ̀;fọ́n àwọn orílẹ̀-èdè tí ó fẹ́ràn ogun ká.
31. Jẹ́ kí àwọn ikọ̀ wá láti Ijipti,kí àwọn ará Kuṣi tẹ́wọ́ adura sí Ọlọrun.
32. Ẹ kọ orin sí Ọlọrun ẹ̀yin ìjọba ayé;ẹ kọ orin ìyìn sí OLUWA.
33. Ẹni tí ń gun awọsanma lẹ́ṣin, àní awọsanma àtayébáyé;ẹ gbọ́ bí ó ṣe ń sán ààrá, ẹ gbọ́ ohùn alágbára.
34. Ẹ bu ọlá fún Ọlọrun,ẹni tí ògo rẹ̀ wà lórí Israẹli;tí agbára rẹ̀ sì hàn lójú ọ̀run.
35. Ẹ̀rù jẹ̀jẹ̀ ni Ọlọrun ní ibi mímọ́ rẹ̀,Ọlọrun Israẹli;òun ni ó ń fún àwọn eniyan rẹ̀ ní ọlá ati agbára.Ìyìn ni fún Ọlọrun!