8. Ó ti ẹsẹ̀ ara rẹ̀ bọ àwọ̀n,ó ń rìn lórí ọ̀fìn.
9. Tàkúté ti mú un ní gìgísẹ̀,ó ti kó sinu pańpẹ́.
10. A dẹ okùn sílẹ̀ fún un,a sì dẹ pańpẹ́ sí ojú ọ̀nà rẹ̀.
11. “Ìbẹ̀rù yí i ká,wọ́n ń lé e kiri.
12. Ebi pa agbára mọ́ ọn ninu,ìṣòro sì ti ṣetán láti gbé e ṣubú.
13. Àìsàn burúkú jẹ awọ ara rẹ̀,àkọ́bí ikú jẹ ẹ́ tọwọ́ tẹsẹ̀.
14. A fipá wọ́ ọ kúrò ninu àgọ́ rẹ̀ tí ó gbẹ́kẹ̀lé,a sì mú un lọ sọ́dọ̀ Ọba Ẹ̀rù jẹ̀jẹ̀.
15. Àgọ́ rẹ̀ kún fún àwọn tí kì í ṣe tirẹ̀,imí-ọjọ́ fọ́nká sí gbogbo ibùgbé rẹ̀.
16. Gbòǹgbò rẹ̀ gbẹ nísàlẹ̀,ẹ̀ka rẹ̀ sì gbẹ lókè.
17. Ó di ẹni ìgbàgbé lórílẹ̀ ayé,bẹ́ẹ̀ ni a kò gbórúkọ rẹ̀ mọ́ ní ìgboro.