7. Ngenxa yoko umntu uyakushiya uyise nonina, anamathele emfazini wakhe;
8. baze abo babini babe nyama-nye. Ngako oko, àbasebabini, banyama-nye.
9. Oko ke ngoko uThixo akumanyileyo, makungahlulwa mntu.
10. Endlwini abafundi bakhe babuya bambuza ngayo loo nto.
11. Athi kubo, Othe wamala umfazi wakhe, wazeka omnye, uyakrexeza kulowa.
12. Nokuba umfazi uthe wayala indoda yakhe, wendela kwenye, uyakrexeza.
13. Baye bezisa abantwana kuye ukuze abachukumise; basuka abafundi babakhalimela abo babazìsayo.