6. wamana efuna ithuba elimlungeleyo lokumnikela kubo, kungekho siphendu.
7. Wafika ke umhla wezonka ezingenagwele, ekwakumele ukuthi ngawo kubingwe imvana yepasika.
8. Wesusa uPetros noYohane, wathi, Hambani niye kusilungisela ipasika, ukuze sidle.
9. Bathe ke bona kuye, Ùfuna ukuba siyilungise phi na?
10. Úthe ke yena kubo, Yabonani, nákungena kuwo umzi lo, nohlangatyezwa ngumntu ethwele umphanda wamanzi; mlandeleni, niye endlwini angena kuyo.
11. Nòthi kumninindlu, Úthi uMfundisi kuwe, Liphi na igumbi labahambi, apho ndingadlela khona ipasika nabafundi bam?
12. Kwayena wonibonisa igumbi eliphezulu elikhulu, landlelwe; lungisani apho ke.
13. Bemka ke, bafumana kunjengoko ebetshilo kubo, bayilungisa ipasika.
14. Uthe ke lakufika ilixa, wahlala phantsi, nabapostile* abalishumi elinababini kunye naye.
15. Wathi kubo, Asikuko nokuba ndinqwenile ukuyidla nani le pasika, ndingekabuva ubunzima.
16. Kuba ndithi kuni, Andiyi kubuya ndibe sadla kuyo, ide izaliseke ebukumkanini bukaThixo.