1. Indoda enkulu musa ukuyithethisa kabukhali, yiyale njengoyihlo; amancinane, njengabazalwana;
2. abafazi abakhulu, njengoonyoko; abancinane, njengoodade, unobunyulu bonke.
3. Babeke abahlolokazi abangabahlolokazi ngenene.
4. Ke ukuba kukho mhlolokazi uthile unabantwana, nokuba ngabazukulwana, ukuqala mabafunde ukuhlonela elabo ikhaya, bababuyekezele umbuyekezo ooninakhulu; kuba oko kuhle, kwamkelekile emehlweni kaThixo.
5. Ke yena ongumhlolokazi ngenene, eshiywe yedwa, uthembela kuThixo; uhlala ehleli ekukhungeni nasemithandazweni ubusuku nemini.
6. Kodwa yena oxhamla iziyolo ufile, nakuba ngathi udla ubomi.