18. neAnatoti nedlelo layo, neAlemon nedlelo layo: imizi eminé.
19. Iyonke imizi yoonyana baka-Aron, ababingeleli, yaba yimizi elishumi elinamithathu inamadlelo ayo.
20. Imizalwane yoonyana bakaKehati, yabaLevi abaseleyo koonyana bakaKehati, yafumana imizi yeqashiso layo esizweni sakwaEfrayim.
21. Babanika owakwaShekem nedlelo lawo, okweleentaba lakwaEfrayim, umzi ke wokusabela umbulali, neGezere nedlelo layo,
22. neKibhetsayim nedlelo layo, neBhete-horon nedlelo layo: imizi eminé.
23. Esizweni sakwaDan, iEleteke nedlelo layo, neGibheton nedlelo layo,
24. neAyalon nedlelo layo, neGati-rimon nedlelo layo: imizi eminé.
25. Esiqingatheni sesizwe sakwaManase, iTahanaki nedlelo layo, neGati-rimon nedlelo layo: imizi emibini.
26. Iyonke imizi yaba lishumi namadlelo ayo, ngokwemizalwane yoonyana bakaKehati abaseleyo.
27. Babanika oonyana bakaGershon emizalwaneni yabaLevi, esiqingatheni sesizwe sakwaManase, iGolan eBhashan nedlelo layo, umzi ke wokusabela umbulali, neBheheshtera nedlelo layo: imizi emibini.
28. Esizweni sakwaIsakare, iKishon nedlelo layo, neDabherati nedlelo layo,
29. neYarmuti nedlelo layo, ne-En-ganim nedlelo layo: imizi eminé.
30. Esizweni sakwa-Ashere, iMishali nedlelo layo, neAbhedon nedlelo layo;