19. Ukuba yinto yamandla ekhalipha, úthi, Ndim okhoyo!Ukuba yinto yomgwebo, úthi, Ngubani na oya kundimema?
20. Ukuba bendithe ndalilungisa, umlomo wam ubuya kundigweba;Ukuba bendithe ndagqibelela, ubeya kundenza umjibilizi.
21. Ndigqibelele; àndiwukhathalele umphefumlo wam;Ndiyabucekisa ubomi bam.
22. Kúnye oko; ngenxa yoko ndithi,Ogqibeleleyo nongendawo úyabatshabalalisa.
23. Ukuba iziniya ithe yabulala ngesiquphe,Úya kugculela ukuqotywa kwabamsulwa.
24. Ihlabathi linikelwe esandleni sabangendawo;Uyabugqubuthela ubuso babagwebi balo.Ukuba kanti akunjalo, kwenziwe ngubani na ke?
25. Imihla yam ikhawulezé ngaphezu kwesigidimi;Ibalekile, ayibonanga kulungileyo;
26. Ithe phe njengemikhombe yeengcongolo,Njengokhozi luxwila ixhoba.
27. Ndákuthi, Ndiya kuyilibala inkalazo yam,Ndibuyeke ubuso bam, ndincumeze,