2. Kunini na nisenza isingqala kumphefumlo wam,Nindityumza ngokuthetha?
3. Ezi zihlandlo zilishumi nindihlazile;Ànidanile, niyandikhwankqisa.
4. Khona ke ndithe okunene ndalahleka,Kuhleli nam ukulahleka kwam.
5. Ukuba okunene nithe nazikhulisa kum,Nandohlwaya ngengcikivo yam:
6. Yazini ngoko, ukuba nguThixo ondigobileyo,Wandirhawula ngomnatha wakhe.
7. Yabona, ndiyakhala, ndithi, Ndagonyamelwa! kungasatyelwa;Ndiyazibika, kungabikho kulungisa.
8. Úyibiyile indlela yam, akwabakho ukugqitha;Ezingqushwini zam wamisa ubumnyama.
9. Úndihlube uzuko lwam,Wasusa isithsaba sentloko yam.
10. Úndidilizile ngeenxa zonke, ndemka;Walincothula njengomthi ithemba lam.
11. Úwuvuthise ngakum umsindo wakhe,Wandibalela ekuthini ndingowababandezeli bakhe.
12. Zeza kunye izimpi zakhe,Zandifumbela indlela yazo,Zayizunguleza ngeenxa zonke intente yam.
13. Abazalwana bam úbasé kude kum,Abandaziyo sebengabasemzini kanye kum.
14. Izalamane zam zindishiyile,Nabazana nam bandilibele.
15. Abahlala endlwini yam, nabakhonzazana bam,Bandibalele ekuthini ndingowasemzini,Ndingowolunye uhlanga emehlweni abo.
16. Ndibiza umkhonzi wam, angasabeli;Ndimbongoze ngomlomo wam.
17. Umoya wam umkruqule umkam;Ndiyanuka kubantwana besizalo esandizalayo.
18. Namakhwenkwe ayandicekisa;Ndakusuka, asuka athethe ngam.
19. Ndilisikizi kumakholwane am,Nabendibathanda bandiguqukele.