7. Aya kumpompoza amanzi emiphandeni yakhe,Imbewu yakhe ingasemanzini amaninzi.Ukumkani wakhe makabe ngaphezulu koAgagi,Buziphakamise ubukumkani bakhe.
8. UThixo umkhupha eYiputa.Amendu akhe anjengawenqu.Uya kuzidla iintlanga, ababandezeli bakhe,Awakhukhuze amathambo abo,Abaphaluse ngeentolo zakhe.
9. Waguqa, wabuthuma njengengonyama,Njengengonyamakazi; ngubani na owomvusa?Mabasikelelwe abakusikelelayo,Baqalekiswe abakuqalekisayo.
10. Wavutha umsindo kaBhalaki kuBhileham, wazityhwakraza izandla zakhe, wathi uBhalaki kuBhileham, Ndikubizele ukuba uziqalekise iintshaba zam; nanku, umana ukuzisikelela ezi zihlandlo zozithathu.
11. Khwelela ngokunje, uye endaweni yakho. Bendithe ndokuzukisa kakhulu; yabona uYehova ukuvimbile uzuko.
12. Wathi uBhileham kuBhalaki, Bendingathethanga na nakubathunywa bakho owabathumela kum nidisithi,
13. Angafanelana uBhalaki endinika indlu yakhe izele yisilivere negolide, andingekhe ndiwugqithe umlomo kaYehova, ndenze okulungileyo nokuba kokubi okuphuma entliziyweni yam; oko akuthethayo uYehova, ndiya kwenza kona.
14. Kaloku yabona, ndiyahamba, ndiya ebantwini bakowethu. Yiza ndikutyele into abaya kuyenza aba bantu kubantu bakho ngemihla yokugqibela.
15. Wasusela ngomzekeliso wakhe, wathi,Utsho uBhileham unyana kaBhehore,Itsho indoda ecinywe amehlo.
16. Utsho ova ukuthetha kukaThixo,Wakwazi ukwazi kOsenyangweni;Obona umbono woSomandla,Esiwa phantsi, etyhilwe amehlo:
17. Ndiyayibona, kungekhona ngoku,Ndiyikhangele, ingekufuphi.Inkwenkwezi iphuma kwaYakobi;Intonga ivela kwaSirayeli,Iwaphàluse amaMowabhi emacaleni omabini,Ibagòmbe bonke abengxolo;
18. UEdom abe lilifa,Abe lilifa uSehire, iintshaba zakhe;USirayeli yena avelise amandla.
19. Makehle ophuma kwaYakobi,Atshabalalise abaseleyo emizini.
20. Wawabona ama-Amaleki, wasusela ngomzekeliso wakhe, wathi,Ingqalo yeentlanga nguAmaleki;Isiphelo sakhe sikukutshabalala.