14. Ucango lujinga ezihinjizini* zalo,Linjalo ivila elukhukweni lwalo.
15. Ivila lifaka isandla salo esityeni,Yindiniso ukusibuyisela kwasemlonyeni walo.
16. Ivila lilumkile kwawalo amehloKunabasixhenxe abaphendula ngemvo.
17. Úbamba ngendlebe inja igqitha,Ophuphuma umsindo ngembambano angephambi kwayo.
18. Njengedwadwasi elijula izikhuniNeentolo zokufa,
19. Injalo indoda ekhohlisa ummelwane wayo,Ibe isithi, Andidlali na?
20. Zakuphela iinkuni, uyacima umlilo;Kwakuba kungekho ntlebi, iyadamba ingxabano.
21. Nqwa namalahle amnyama kumalahle avuthayo,Nqwa neenkuni kumlilo, indoda enengxabano ukuphemba imbambano.
22. Amazwi entlebi anjengemithamo imnandi;Yona ihla iye ezingontsini zombilini.
23. Ligwebu lesilivere, lalekwé empahleni yodongwe,Umlomo ovuthayo unentliziyo enobubi.
24. Ngemilebe yomlomo wakhe úyanyhwalaza umthiyi;Embilinini yakhe umisa inkohliso.
25. Xa athe walimnandisa ilizwi lakhe, musa ukukholwa nguye;Kuba ngamasikizi asixhenxe entliziyweni yakhe.
26. Intiyo izifihla ngenkohliso;Ububi bayo bozityhila esikhungwini.