1. Unyana osisilumko uva uqeqesho lukayise;Ke yena umgxeki akeva kukhalinyelwa.
2. Ngesiqhamo somlomo wayo indoda idla okulungileyo.Ke wona umnqweno wamanginingini kukugonyamela.
3. Obambe umlomo wakhe ugciné umphefumlo wakhe;Owuthé qheke umlomo wakhe, yintshabalalo kuye leyo.
4. Umphefumlo wevila uyanqwena, ungazuzi;Umphefumlo wabakhutheleyo uyatyetyiswa.
5. Ilungisa liyithiyile into ebubuxoki;Yena ongendawo uyanukisa, enze okuziintloni.
6. Ubulungisa bulondoloza ihambo egqibeleleyo;Okungendawo kuyamphenula umoni.
7. Kukho ozenza isityebi, engenayo nento;Kukho ozenza isisweli, enobuncwane obuninzi.