Iindumiso 64:1-10 Izibhalo Ezingcwele (XHO75)

1. Líve, Thixo, izwi lam ekukhalazeni kwam;Ekunkwantyiseni kotshaba bulondoloze ubomi bam.

2. Ndísithelise egquguleni labanobubi,Ehlokondibeni labasebenzi bobutshinga;

3. Abalulola njengekrele ulwimi lwabo,Abaxuna iintolo zabo, amazwi akrakra,

4. Bamtole ogqibeleleyo besentsithelweni;Bamtola ngesiquphe, bangoyiki.

5. Bazomelezela ilizwi elibi,Bagqiba kwelokuba bafihle izirhintyelo,Bathi, Singábonwa ngubani na?

6. Baceba ubugqwetha;Baligqibile icebo abalicebileyo;Imbilini yendoda nentliziyo yayo yinzulu.

7. Ke uThixo uyabatola ngotolo;Amanxeba abo abakho ngesiquphe.

8. Baya kukhutyekiswa, lufikele kwabona ulwimi lwabo;Bayahlunguzela intloko bonke abababonayo.

9. Basuka boyike bonke abantu,Bawuxele umsebenzi kaThixo,Basiqiqe isenzo sakhe.

10. Liya kuvuya ilungisa ngoYehova, lizímele ngaye,Baqhayise bonke abantliziyo zithe tye.