1. Búve, Yehova, ubulungisa; kubázele indlebe ukuhlahlamba kwam;Wubekele indlebe umthandazo wam, ongengamlomo ukhohlisayo.
2. Ibango lam malivele ebusweni bakho,Amehlo akho akhangele ngokuthe tye.
3. Ùyicikidile intliziyo yam; undivelele ebusuku;Ùndinyibilikisile, akwafumana nto;Ndíyinkqangiyele into embi, ayiyi kuwugqitha umlomo wam.
4. Malunga nemisebenzi yabantu, ngelizwi lomlomo wakho,Mna ndizigcinile, andangena kwiindlela zamanyangaza.
5. Imikhondo yam ibambe iindlela zakho, Azashukuma iinyawo zam.
6. Mna ndinqula wena, ngokuba undiphendula, Thixo;Ndíthobele indlebe yakho, kúve ukuthetha kwam.
7. Zibalule iinceba zakho, wena wabasindisayo abazímela ngawe,Ngesandla sakho sokunene, ngenxa yabasukela phezulu kubo.
8. Ndígcine njengeliso, njengokhozo lwalo,Ndísithelise ngesithunzi samaphiko akho,
9. Phambi kwabangendawo abandibhuqayo,Phambi kweentshaba zam ngokwasemphefumlweni ezindingungelayo.
10. Zithe fithi kukutyeba;Ngomlomo wazo zithetha ngekratshi.
11. Zindijikelezile ngoku ekuhambeni kwam;Amehlo azo ziwamisele ukundinqumela emhlabeni.
12. Ukufana kwazo kunjengengonyama engxamele ukuqwenga,Kunjengengonyama entsha ihleli entsithelweni.