3. Wayityhidela amakhonkco egolide amané, emilenzeni yayo yominé: amakhonkco amabini ngeli icala, amakhonco amabini ngeliya icala.
4. Wenza izibonda ngomngampunzi, wazaleka ngegolide;
5. wazifaka izibonda ezo emakhonkcweni asemacaleni etyeya, ukuba ithwalwe ngazo.
6. Wenza isihlalo sokucamagusha ngegolide ecocekileyo. Ubude baso baba ziikubhite ezimbini ezinesiqingatha, ububanzi baso baba yikubhite enesiqingatha.
7. Wenza iikerubhi zambini ngegolide, ukuzenza wazikhanda; zavela eziphelweni zozibini zesihlalo sokucamagusha:
8. enye ikerubhi ivelé esiphelweni esi, enye ikerubhi ivelé esiphelweni esiya. Wazenza iikerubhi esihlalweni sokucamagusha, zavela eziphelweni zaso zozibini.
9. Iikerubhi zolula amaphiko phezulu, zasisithelisa ngamaphiko azo isihlalo sokucamagusha; ubuso bazo bakhangelana, babheka esihlalweni sokucamagusha ubuso beekerubhi.
10. Wenza netafile ngomngampunzi; ubude bayo baba ziikubhite ezimbini, ububanzi bayo baba yikubhite, ukuphakama kwayo kwaba yikubhite enesiqingatha.
11. Wayaléka ngegolide ecocekileyo, wayithi jize ngesithsaba segolide.
12. Wayenzela ngeenxa zonke udini olungangobubanzi besandla, udini lwayo waluthi jize ngesithsaba segolide.
13. Wayityhidela amakhonkco egolide amané, wawafaka amakhonkco ezimbombeni zoné ezisemilenzeni yayo yominé.
14. Aba kufuphi nokuhlangana kodini amakhonkco lawo, aba ziindawo zokufaka izibonda zokuyithwala itafile.