24. Ndandingogqibeleleyo kuye,Ndazinqanda ebugwenxeni bam.
25. Wandibuyisela ke uYehova ngokobulungisa bam,Ngokobunyulu bam, phambi kwamehlo akhe.
26. Kowenceba ùzenza owenceba,Kwigorha eligqibeleleyo ùzenza ogqibeleleyo.
27. Kozenze nyulu ùzenza onyulu,Kojibilizayo ùzenza onobuqhokolo.
28. Abantu abaziintsizana ùyabasindisa,Amehlo akho ajongene nabaqwayingileyo, ubathobe.
29. Kuba ùsisibane sam, wena Yehova,UYehova ukhanyisela ubumnyama bam.
30. Kuba ngawe ndigila impi,NgoThixo wam nditsiba iindonga.
31. UThixo yena — igqibelele indlela yakhe,Ilizwi likaYehova linyibilikisiwe,Úyingweletshetshe kubo bonke abazímela ngaye.
32. Ngokuba ngubani na onguThixo, ingenguye uYehova?Ngubani na oliliwa, ingenguThixo wethu?
33. UloThixo uligwiba lam elinamandla,Umalathisayo ogqibeleleyo indlela yakhe;
34. Uzifanisayo iinyawo zam nezamaxhamakazi,Undimisayo emimangweni yam;