12. uze ulumke hleze umlibale uNdikhoyo owakukhulula ulikhoboka kwelaseJiputa.
13. “Uze umhlonele uNdikhoyo uThixo wakho, ukhonze yena yedwa, izifungo zakho uzenze ngegama lakhe.
14. Ungaze ulandele *thixo wumbi, nditsho nowezo zizwe zikuphahlileyo,
15. hleze umsindo kaNdikhoyo uvuthe, anitshabalalise ningabikho kulo mhlaba. Kaloku uNdikhoyo uThixo wakho ohlala phakathi kwenu nguThixo onekhwele.
16. “UNdikhoyo uThixo wenu ze ningamlingi njengoko nênzayo eMasa.
17. Iziyalo nezicwangciso ngokunjalo nemimiselo eniyinikwe nguNdikhoyo uThixo wenu ze niyithobele ngenyameko.
18. Kuphela ze nenze ezo zinto athi uNdikhoyo zintle zilungile, khon' ukuze nilungelwe. Xa nisenjenjalo ke noba nako ukulizuza elo lizwe lihle kunene lathenjiswa nguNdikhoyo kookhokho benu ngesifungo.
19. Noba nako ukuzigxotha iintshaba zenu ngokwelizwi lakhe.