5. Wanduluka eBheshebha uYakobi. Yena, nabantwana boonyana bakhe, kunye nabafazi babo, babekhwele kwiinqwelo ezazithunyelwe ngukumkani waseJiputa.
6. Baqhuba iinkomo zabo nako konke okwabo abakufumana eKanana, bahamba nako, baya eJiputa. UYakobi wahamba nosapho lwakhe lonke:
7. oonyana bakhe, abantwana babo, iintombi zakhe, kunye nabazukulwana bakhe.
8. Ngawo la amagama amaSirayeli, inzala kaYakobi, eyangenayo eJiputa kunye naye.
9. YayinguRubhen, izibulo, kunye noonyana bakhe: uHanoki, noPalu, noHezeron, noKarmi.
10. USimon noonyana bakhe: uJemuweli noJamin, uOhadi noJakin noZoware, kwakunye noShawule, owayezelwe ngumKananakazi.
11. ULevi noonyana bakhe: uGershon noKohati kunye noMerari.
12. UJuda kunye noonyana bakhe: uShela, noPerezi, noZera. Abanye oonyana bakaJuda, uEre no-Onan, batsahabalala eKanana. UPerezi wanoonyana abanguHezeron kunye noHamuli.
13. UIsakare yena wangena noonyana bakhe: uTola, noPuwa, noYashubhi, kunye noShimron.