1. USara uhleli wade wanekhulu elinamashumi amabini anesixhenxe ubudala.
2. Ubhubhele eKiriyati-arbha, ekuthiwa yiHebron, kwelaseKanana. Waba buhlungu uAbraham, wamzilela umkakhe.
3. UAbraham wesuka apho wafela khona umkakhe, waya kumaHeti. Ufike wathi kubemi balapho:
4. “Ndingumfiki nomhambi apha; ndinikeni indawo apho ndingamngcwabela khona umkam.”
5. Athe ukuphendula uAbraham amaHeti:
6. “Phulaphula, mhlekazi, kuthi uyinkosi. Siyakukhululela; ungamngcwaba umfikazi kweyona ndawo uyithandayo.”
7. Waphakama uAbraham, wakhahlela kumaHeti,
8. wathi: “Ukuba niyavuma ndimngcwabe apha umfikazi, ndiceleleni kuEfron unyana kaZoware
9. ukuba andithengisele laa mqolomba useMakapela; nankuya emdeni womhlaba wakhe. Ze nithi makandinike ngexabiso lawo, ukuze ndiwuthenge, ndingcwabe kuwo.”