1. Hindi na nakipagtalo pa ang tatlong kausap ni Job sapagkat talagang iginigiit niyang wala siyang kasalanan.
2. Samantala, may nakikinig noon sa kanilang pag-uusap, isang lalaki na nagngangalang Elihu. Siya ay anak ni Baraquel, apo ni Bus na mula sa angkan ni Ram. Nagalit si Elihu kay Job sapagkat nagmamatuwid si Job sa kanyang sarili at sinisisi pa niya ang Diyos.
3. Nagalit din siya sa tatlong kaibigan ni Job sapagkat hindi nila masagot ang mga sinabi nito at parang lumalabas na ang Diyos ang may kasalanan.
4. Pinakabata si Elihu sa mga naroon kaya hinintay niyang makapagsalita muna ang lahat.
5-6. Nang wala nang maisagot ang tatlo, nagalit ito at sinabi,“Bata ako at kayo'y matatanda,kaya ako'y nag-aalangang magsalita.
7. Palagay ko'y nararapat na kayo muna ang magsalita,at mamahagi ng karunungan ang nakatatanda.