5. Nagliliwanag sa kadiliman ang ilaw, at hindi ito nagapi kailanman ng kadiliman.
6. At naparito si Juan na isinugo ng Diyos
7. upang magpatotoo sa mga tao patungkol sa ilaw at upang ang lahat ay sumampalataya dito.
8. Hindi siya ang ilaw subalit naparito siya upang magpatotoo patungkol sa ilaw.
9. Ito ang tunay na ilaw: dumarating ito sa sanlibutan upang magbigay liwanag sa lahat ng tao.
10. Dumating ang Salita sa sanlibutan ngunit hindi siya kinilala ng sanlibutang ito na nilikha sa pamamagitan niya.
11. Pumunta siya sa kanyang bayan ngunit hindi siya tinanggap ng sarili niyang kababayan.
12. Subalit ang lahat ng tumanggap at sumampalataya sa kanya ay binigyan niya ng karapatang maging mga anak ng Diyos.