Dhjata e Re

Zbulesa 17:8-17 Së Bashku (ALNT)

8. Bisha që pe jetonte, por nuk jeton më. Ajo do të dalë nga humnera dhe do të shkojë drejt shkatërrimit. Banorët e tokës, që nuk e kanë të shkruar emrin në librin e jetës që nga krijimi i botës, do të mrekullohen duke parë bishën që jetonte dhe nuk jeton më, por që do të vijë përsëri.

9. Këtu duhet mendje e urtë! Shtatë kokët janë shtatë kodra mbi të cilat rri ulur gruaja. Janë edhe shtatë mbretërit.

10. Pesë prej tyre ranë. Njëri është këtu, ndërsa tjetri nuk ka ardhur ende, po kur të vijë, duhet të qëndrojë për pak kohë.

11. Bisha që jetonte dhe nuk jeton më, është mbreti i tetë, por është edhe një nga të shtatët dhe shkon drejt shkatërrimit.

12. Dhjetë brirët që pe janë dhjetë mbretër, që nuk kanë filluar ende të mbretërojnë. Ata do ta marrin pushtetin si mbretër vetëm për një orë bashkë me bishën.

13. Ata do të jenë në një mendje: Fuqinë dhe pushtetin e tyre do t’ia japin bishës.

14. Ata do të luftojnë me Qengjin, por Qengji do t’i mposhtë, sepse është Zoti i zotërve dhe Mbreti i mbretërve. Me të do të fitojnë edhe ata që janë të thirrur, të zgjedhur dhe besimtarë».

15. Pastaj më tha: «Ujërat që pe, ku rri ulur lavirja, janë popuj, turma, kombe dhe gjuhë.

16. Dhjetë brirët që pe dhe bisha do ta urrejnë laviren dhe do ta shkretojnë, do ta zhveshin, do t’ia hanë mishin me dhëmbë dhe do ta djegin në zjarr.

17. Sepse Perëndia u dha në zemër të vepronin sipas mendimit të tij, të ishin në një mendje dhe t’ia jepnin mbretërinë e tyre bishës, derisa të plotësoheshin fjalët e Perëndisë.

Lexoni kapitullin e plotë Zbulesa 17