28. Mos kini frikë nga ata që vrasin trupin, por nuk mund të vrasin shpirtin. Kini frikë atë që mund të shkatërrojë edhe shpirtin, edhe trupin në ferr.
29. A nuk shiten dy harabela për një qindarkë? Megjithatë asnjë prej tyre nuk bie në tokë pa vullnetin e Atit tuaj.
30. Madje edhe fijet e flokëve tuaj janë të gjitha të numëruara.
31. Prandaj, mos kini frikë! Ju vleni më tepër se shumë harabela.»
32. «Kështu, kushdo që më rrëfen para njerëzve, edhe unë do ta rrëfej para Atit tim që është në qiej,
33. por kushdo që më mohon para njerëzve, edhe unë do ta mohoj para Atit tim që është në qiej.»
34. «Mos mendoni se erdha të sjell paqen në tokë. Nuk erdha të sjell paqen, por shpatën.
35. Kam ardhur të ndajbirin nga i ati, bijën nga e ëma; nusen nga e vjehrra
36. dhe armiqtë e njeriut do të jenë ata të shtëpisë së tij.
37. Kush e do babanë apo nënën e vet më shumë se mua, nuk është i denjë për mua dhe ai që e do të birin ose të bijën më shumë se mua, nuk është i denjë për mua.
38. Kush nuk e merr kryqin e vet për të më ndjekur, nuk është i denjë për mua.